Harikumar Elayidathu

Posts

മനോജ് ദേവരാജൻ്റെ കഥാസമാഹാരം 'കാപ്പിരി' പ്രകാശനം ചെയ്തു

- November 07, 2026

'കാപ്പിരി' പ്രകാശനം ചെയ്തു. ശ്രീ.എം. കെ. ഹരികുമാർ ശ്രീ. മനോജ് ദേവരാജൻ പുസ്തകപ്രകാശനം ശ്രീ. എം.കെ. ഹരികുമാർ നിർവ്വഹിക്കുന്നു. പ്രതിസ്പന്ദം കൊച്ചിയുടെ സ്വന്തം അടിമപ്രേത സങ്കൽപ്പമായ കാപ്പിരിമുത്തപ്പൻ ഉൾപ്പടെ പതിമൂന്നു കഥകളുടെ സമാഹാരമായ 'കാപ്പിരി' പ്രകാശനം നടന്നു. നവംബർ ഏഴിന് കൊച്ചി അന്താരാഷ്ട്ര പുസ്തകവേദിയിൽ ആയിരുന്നു ചടങ്ങ്. ശ്രീ. മാത്യു ജോൺ അധ്യക്ഷനായ ചടങ്ങിൽ പ്രശസ്ത നിരൂപകനും എഴുത്തുകാരനുമായ ശ്രീ. എം. കെ ഹരികുമാർ പ്രകാശനം നിർവഹിച്ചു. ശ്രീമതി പ്രശാന്തി ചൊവ്വര പുസ്തകം ഏറ്റുവാങ്ങി. ഷാജു കളപ്പുരയ്ക്കൽ, ശ്രീധരൻ നമ്പൂതിരി, അഡ്വ. വിദ്യ പ്രജിത്ത്, ഡോ. പി. എൻ. രാജേഷ് കുമാർ , ഡോ. സംഗീത പൊതുവാൾ, അമ്പിളി തൃപ്പൂണിത്തുറ, സുനിൽ രാജ എന്നിവർ സംസാരിച്ചു. കോട്ടയം ഞീഴൂർ സ്വദേശിയും ഐ. ടി. പ്രൊഫഷണലും ആയ മനോജ് ദേവരാജന്റെ മുന്നാമത്തെ പുസ്തകമാണിത്.

ശുംഭവധം കുത്തിയോട്ടപ്പാട്ട്

- October 10, 2026

കന്യാകുമാരി ജില്ലയിലെ കൊല്ലംകോട് മുതൽ മധ്യതിരുവിതാംകൂറിലെ കോട്ടയം വരെയുള്ള ഭദ്രകാളി ക്ഷേത്രങ്ങളിൽ അരങ്ങേറുന്ന പ്രമുഖ അനുഷ്ഠാന നിർവഹണമാണ് കുത്തിയോട്ടം. തിരുവനന്തപുരം ജില്ലയുടെ ചില ഭാഗങ്ങളിൽ ഇതിന് പാട്ടുകളുണ്ടെങ്കിലും, അവയ്ക്ക് ഇതിവൃത്തപരമോ ആഖ്യാനപരമോ ആയ സുഘടിതത്വമില്ല. എന്നാൽ, മധ്യ തിരുവിതാംകൂറിലേക്ക് എത്തുമ്പോൾ കുത്തിയോട്ടപ്പാട്ടുകൾക്ക് കൃത്യമായ അടുക്കും ചിട്ടയും താളനിബദ്ധതയും മികച്ച ഇതിവൃത്തഘടനയും കൈവരുന്നു. മുതുകുളം, കീരിക്കാട് പ്രദേശവാസികളായ കവികൾ നമ്പ്യാർ കൃതികളും കഥകളിപ്പാട്ടുകളും കുത്തിയോട്ടപ്പാട്ടുകളായി മൊഴിപ്പകർച്ച നടത്തി. ഓണാട്ടുകരയിലെ സർഗ്ഗധനന്മാരായ ഇത്തരം കവിഗുരുക്കന്മാരിലൂടെയാണ് അനുഷ്ഠാനപ്പാട്ടുകളുടെ ലോകത്ത് കുത്തിയോട്ടപ്പാട്ടുകൾക്ക് ഇത്രയേറെ സവിശേഷസ്ഥാനം ലഭിച്ചത്. കരടിപ്പാട്ടുപോലുള്ള, താനവട്ട സുരഭിലമായ അവതരണങ്ങൾ നിലനിന്നിരുന്ന കൊല്ലം-കായംകുളം പ്രദേശങ്ങളിൽ വച്ച്, വൈവിധ്യമാർന്ന പല നാടൻ കലാരൂപങ്ങളുടെയും കവിക്കെട്ടു മാതൃകകൾ സ്വീകരിച്ചുകൊണ്ടാണ് ഈ പാട്ടുസാഹിത്യം വളർന്നത്. കരടിപ്പാട്ട്, വഞ്ചിപ്പാട്ട്, വള്ളപ്പാട്ട്, തിരുവാതിരക്കളിപ്പാട്ട്, കുമ്മിപ്പാട്ട്, വില്ലടിച്ചാൻപ...

കലയും ക്രാഫ്റ്റും

- October 06, 2026

ക്രാഫ്റ്റും കലയും: പുനരാഖ്യാനങ്ങളുടെ സാഹിത്യമൂല്യം ഒരു സാഹിത്യസൃഷ്ടിയുടെ മൂല്യം നിർണ്ണയിക്കപ്പെടുന്നത് അത് വായനക്കാരനിൽ സൃഷ്ടിക്കുന്ന സൗന്ദര്യാത്മകവും തത്ത്വചിന്താപരവുമായ ആഘാതത്തിലൂടെയാണ്. സാഹിത്യകൃതികളെ ആകെത്തുകയിൽ രണ്ടായി തരംതിരിക്കാം—കേവലമായ സാങ്കേതിക തികവ് അഥവാ 'ക്രാഫ്റ്റ്‌മാൻഷിപ്പ്' (Craftsmanship) ഉള്ളവയും, അപൂർവ്വമായ ആവിഷ്കാരശേഷിയുള്ള 'ആർട്ടിസ്റ്റിക് ടാലന്റ്' (Artistic Talent) അടയാളപ്പെടുത്തുന്നവയും. വിപണിയുടെ സ്പന്ദനങ്ങൾ തിരിച്ചറിഞ്ഞ്, വായനക്കാരുടെ താൽക്കാലിക അഭിരുചികൾക്ക് അനുസൃതമായി ചേരുവകൾ ചേർത്ത് ഉൽപ്പന്നങ്ങൾ നിർമ്മിക്കുന്നതിനെ സാങ്കേതിക മികവ് എന്നു മാത്രമായി ചുരുക്കാം. അത്തരം രചനകൾ വിപണിയിൽ തരംഗമുണ്ടാക്കിയേക്കാം. എന്നാൽ, കഥാബീജത്തെ മനസ്സിന്റെ ആഴങ്ങളിൽ കാലങ്ങളോളം മനനം ചെയ്ത്, ചരിത്രവും പശ്ചാത്തലവും വരുംതലമുറയ്ക്കായി വരച്ചുവെക്കുന്ന കൃതികളിലാണ് സർഗ്ഗാത്മക കലയുടെ വിരലടയാളം പതിയുന്നത്. അവ മാത്രമാണ് കാലത്തെ അതിജീവിച്ച് 'ക്ലാസിക്കുകൾ' ആയി മാറുന്നത്. ഇന്ന് ഹൈന്ദവ പുരാണങ്ങളും മിത്തുകളും പുനരാഖ്യാനം (Retelling) ചെയ്യപ്പെടുന്നത് ഒരു ജനപ്രിയ തരംഗമാണ്. എന്നാ...

ഭദ്രകാളിപ്പത്ത്

- September 29, 2026

'തവ പത്തേ വിപത്തൊഴിഞ്ഞാർക്കുമാറ്റാൻ' കണ്ഠേകാളി! മഹാകാളി! കാളനീരദവർണ്ണിനി! കാളകണ്ഠാത്മജാതേ! ശ്രീ ഭദ്രകാളി നമോസ്തുതേ! ദാരുകാദി മഹാദുഷ്ട ദാനവൗഘനിഷൂദനേ! ദീനരക്ഷണദക്ഷേ! ശ്രീ ഭദ്രകാളി നമോസ്തുതേ! ചരാചരജഗന്നാഥേ! ചന്ദ്രസൂര്യാഗ്നിലോചനേ! ചാമുണ്ഡേ! ചണ്ഡമുണ്ഡേ! ശ്രീ ഭദ്രകാളി നമോസ്തുതേ! മഹൈശ്വരപ്രദേ! ദേവി! മഹാത്രിപുരസുന്ദരി! മഹാവീര്യേ! മഹേശി! ശ്രീ ഭദ്രകാളി നമോസ്തുതേ! സർവ്വവ്യാധി പ്രശമനി! സർവ്വമൃത്യുനിവാരിണി! സർവ്വമന്ത്രസ്വരൂപേ! ശ്രീ ഭദ്രകാളി നമോസ്തുതേ! പുരുഷാർത്ഥപ്രദേ! ദേവി! പുണ്യാപുണ്യഫലപ്രദേ! പരബ്രഹ്മസ്വരൂപേ! ശ്രീ ഭദ്രകാളി നമോസ്തുതേ! ഭദ്രമൂർത്തേ! ഭഗാരാധ്...

കുത്തിയോട്ട അരങ്ങേറ്റം

- July 04, 2026

മുതുകുളം കൊല്ലകൽ പോരൂർ ക്ഷേത്രത്തിൽ നടന്ന കുത്തിയോട്ട അരങ്ങേറ്റം ഭദ്രദീപം തെളിച്ചു. കുത്തിയോട്ടത്തിൻ്റെ ഈറ്റില്ലമായിരുന്നു ഒരുകാലത്ത് മുതുകുളം പ്രദേശങ്ങൾ.

കെ.പി വള്ളോൻ

- April 17, 2026

കെ.പി. വള്ളോൻ (1900- 1940) 14. ഏപ്രിൽ 2026 ഇന്ന് 86-ാം സ്മൃതിദിനം. സ്മരണാഞ്ജലികൾ.......... നവോത്ഥാന കാലഘട്ടത്തിൽകൊച്ചിയിലും തിരുവിതാംകൂറിലെയും പൊതുജീവിതത്തിൽ ജ്വലിച്ചുനിന്നിരുന്ന നിരവധി ദളിത് സമരങ്ങളുടെ മുന്നണി പോരാളിയായിരുന്നു കെ.പി. വള്ളോൻ. കൊച്ചിക്കായലിലെ മുളവുകാട് ദ്വീപിൽ കോലോട്ടു വീട്ടിൽ പിഴങ്ങൻ്റെയും മാലയുടെയും ഏക മകനായി 2.01.1900-ൽജനിച്ചു. കുട്ടിക്കാലത്തു തന്നെ കരിങ്കൽ പണിയിലേർപ്പെട്ടു. ശ്രീ നാരായണ ഗുരുദേവൻ്റെ ആശയങ്ങളിൽ ആകൃഷ്ടനായ വള്ളോൻ, വിദ്യാഭ്യാസ സമ്പാദനത്തിലൂടെ മാത്രമേ അധകൃതർക്ക് മുന്നേറ്റമുണ്ടാകു എന്നറിഞ്ഞ് അത് യാഥാർത്ഥ്യമാകുന്നതിനുള്ള പ്രവർത്തനങ്ങളിൽ ഏർപ്പെട്ടു. പുലയ സമുദായാംഗമായിരുന്ന വള്ളോൻ തൻ്റെ സമുദായ സേവനത്തിനുള്ള ബാലപാഠങ്ങൾ കരസ്ഥമാക്കുന്നതിന് ഗുരുവായി സ്വീകരിച്ചത് മഹാകവി കെ.പി.കറുപ്പനെയായിരുന്നു. അതിനാൽ സ്വസമുദായ അഭിമാനം കൈ വിടാതെയുള്ള പരസമുദായ ബഹുമാനവും, അവരോടു സഹകരിച്ചു മുന്നേറുവാനുള്ള ആസക്തിയും കറുപ്പനിൽ നിന്നും ആശാവഹമായ തോതിൽ തന്നെ വള്ളേനിലേക്ക് സംക്രമിച്ചു. അത് അദ്ദേഹത്തിൻ്റെ സാമുദായികോന്നമന പ്രവർത്തനങ്ങൾക്ക് മാറ്റുകൂട്ടി....

Search This Blog